Aizawl Municipal Corporation huam chhunga local council panga, MADC hnuaiah village council pasarih, LADC hnuaia VC pali leh CADC hnuaia VC parukah nimin khan bye election neih a ni.
AMC huam chhung local council pangaah tluang takin bye election neih a ni a, Laipuitlang-ah vote zaa 66.11 a tla a, Zemabawk-ah vote zaa 42.60 , Armed Veng-ah vote zaa 52.78, Tuithiang-ah vote zaa 52.05 leh Republic-ah vote zaa 52.28 a tla.
MADC hnuaiah village council bye election neihah Council Vaih-ah vote zaa 60.51 a tla a, Noaotlah I-ah vote zaa 73.50, Amobyu Ch-ah vote zaa 83.41, Saisi-ah vote zaa 86.94, Tipa V II-ah vote zaa 77.54, Zyhno-ah vote zaa 61.28 leh Khopai-ah vote zaa 71.24 a tla.
LADC hnuaiah Mualbu-L-ah vote zaa 87.60, Darnamtlang-ah vote zaa 87.73, Lungpher South-ah vote zaa 62.71 leh Vawmbuk-ah vote zaa 87.41 a tla a ni.
CADC-ah chuan Ajasora II-ah vote zaa 93.95 a tla a, New Jagnasury I-ah vote zaa 78.47, Samuksora-ah zaa 89.12 leh Kamalanagar V-ah vote zaa 88.77 a tla.
Vote tlate hi nimin khan chhiar nghal a ni a, he thu buatsaih lai thleng hian result hriat a la ni lo. Bye election neihna tur thenkhatah chuan party thenkhat candidate-te chuhtu awm loa tlinga puan an nih avangin mipuiten vote an thlak lo.