Mizoram a first division cricket club-te inelna Mahuma Memorial 1st Division Screening Tournament 2021-22 chu Zirtawpni khan tun season atan khelh tan a ni a. Champion lai Chanmarians CC in run 5 in hnehna an chang nghal.
Suaka Cricket Ground a inkhelah hian vawm hmasak thlang Gorkha CC in Chanmarians hi over 46 chhungin run 175 an siam tir a, Sarban Chhetri leh Deepak Tiwari ten wicket thum ve ve an la. Chanmarians tan run 38 siam F. Vanlalmuanzuala leh Saidingliana Sailo (28) te partnership a pawimawh a. Opener Lalhruaizela’n 27 a siam bawk.
Gorkha in an vuak in bul tan chhe lo mahse an middle order a nghet lova, wicket an hloh zin avangin an run rate a hniam hman. An innings tawp lama run 32 siam Rajesh Chhetri chuan a chakpui teuh a, mahse dinpuitu tur a neih tawh loh avangin an tlawm.
Chanmarians bowler pali in wicket hnih theuh an la a. Spinner Bobby Zothansanga chuan wicket hnih bakah run out pawimawh tak a nei a. TC Vanlalremruata nen an khingpuite batting line up thiattu an ni.
Mahuma Memorial Tournament hi season liamta khan hrileng avangin khelh zawh theih a ni lova. League round sarih khelh zawh hnuah chhunzawm ni lovin league a sang ber Chanmarians hi champion a puan an ni.
Vawiin hian season liamta a pahnihna Chhinga veng Cricket Club leh Legend Cricket Club te an inkhel ve leh ang.
Chanmarians CC vs Gorkha CC
Suaka Cricket Ground, Sihhmui, Aizawl, 50 Ov., Limited Overs, 17-Dec-21
Toss: Gorkha Cricket Club in vawm hmasak an thlang
Chanmarians CC 175/10 (46.0 Ov)
F Vanlalmuanzuala 38(43)
Saidingliana Sailo 28(65)
Lalhruaizela 27(32)
Deepak Tiwari 3/32(10)
Sarban Chhetri 3/29(7)
Rohan Chowdhury 1/15(6)
Abhay 1/23(6)
Gorkha Cricket Club 170/10 (48.0 Ov)
Rajesh Chhetri 32*(29)
Sameer Thapa 24(27)
Rohan Chowdhury 18(40)
Bobby Zothansanga 2/22(10)
Lalhriatrenga 2/22(7)
TC Vanlalremruata 2/30(8)
K Lalremruata 2/41(9)
Chanmarians CC run 5 in an chak
Man of the match : Bobby Zothansanga (Chanmarians CC)