Mizoram men’s basketball team chuan Senior National Basketball Championships Men & Women – North East Zone-ah Zirtawpni khan ni khatah hnehna vawi hnih an chang a. Regional Championships atana tlin an hnaih.
St. Anthony’s, Shillong a inkhelah Mizoram in a thlengtu Meghalaya chhun dar 11:30-ah an hmachhawn a. 64-53 in Mizoram hi an chak.
Mizoram hian Tripura an match hmasa bera point 116 a an sawp hnuah an match hnihnaah an tlukpui zawk deuh Meghalaya an khel a. Mahse team pahnih inkar inthlauhna erawh 2nd quarter-ah a lang thova, point riat a an score tam zawk hnuah an khingpuite hian an pawtthla thei tawh lo.
Tlai lam dar 3:30-ah Nagaland an khel lehnghal a. Nikhat a vawi hnih inkhelh a hautak avangin squad pumin court-ah minute an insem a ngai tih hria in Mizoram in bul an tan tha a. Point 12 laiin first quarter-ah Nagaland lakah hma an hruai a. 53-67 in hnehna an chan theih phah.
Hmeichhe lamah erawh Mizoram in an match hnihnaah Assam an hmachhawn a. 81-25 in an tlawm.
Mizoram mipa team hian vawiin chhun dar 11:30-ah Manipur an hmachhawn leh anga. Naktuk tlai dar 4:30-ah Assam nen an inkhel leh ang.
League round a point hmu sang ber in Regional Championships lam an pan ang.
Mipa inelna
Team P W L Pts
Mizoram 3 3 0 6
Assam 2 2 0 4
Meghalaya 3 2 1 5
Nagaland 3 1 2 4
Manipur 2 0 2 2
Tripura 3 0 3 3
Hmeichhe inelna
Team P W L Pts
Assam 1 1 0 2
Meghalaya 1 1 0 2
Mizoram 2 0 2 2