Kumina Philippines a tawrh chak ber avanga thi chu mi 75 an tling ta tih thuneitute chuan Pathianni khan an sawi a, sorkar chuan a tuar na zual hmunah te chuan ei leh intur pawh an thawn lut hleithei lo.
Typhoon Rai-in an ram chhim lam leh a laili a nuaiah hian mi 3,00,000 chuang chuan an chenna in an chhuahsan a. Chawlh hmanna hmun tam tak a tichhia.
Thlipui thawk hian in chung a hawk a, concrete-a siam electric bante pawh a len thlu nasa hle a. Hei vang hian inbiakpawhna leh electric pawh a chhia a, hmun tam tak chu thil thlen dan kimchang hriat a harsat phah hle.
Khualzinten an tlawh tam tak, Bohol Governor Arthur Yap chuan a Facebook page-ah an thliarkara mayor hrang hrangte chuan mi 49 an thi tih an hrilh tawh tih a tar lang.
Heng mite nen hian thi hi mi 75 an tling ta tih sorkarin a chhinchhiahnaah tar lan a ni a; mahse, hmun tam tak chu emergency & disaster management staff-ten an la pawh thei lo va, thi pawh an pun ngei a rinawm hle.
Yap chuan Ningania thlipui darkar khata km 195 vela chak keng, Rai-in a nuai avang hian mi 10 chin hriat lohva an awm thu leh mi 13-in hliam tuar niin a sawi.
“Inbiakpawhna a tha lo va. Mayor 21 zinga 21 chauh kan la be thei,” tiin Yap chuan social media-ah a tar lang a. Tui lian tuar nasa province-ah thi an awm belh a hlau hle.