Kumthar lo thleng turah lemchan khawvel chuan hripui leng karah beiseina sang tak nei chungin movies thahnem tak, hmuhnawm bawk si tlangzarh tur a nei nual. Heng te hi hit tura rinkai an ni:
Avatar 2
Pandora khawvel nuam leh mawi tak maia cheng ni mah se, an hmelma kumhlun te an lo kirleh tâk si ah chuan loh theih lohva chhuahsan a ngai dawn ta a, chenna thar leh hmun thar zawng tura an chetchhuahna hmuhnawm tak i thlir thei ang.
Director: James Cameron | Starring: Sam Worthington, Zoe Saldana, Sigourney Weaver, Kate Winslet, Vin Diesel, Michelle Yeoh, Giovanni Ribisi, Stephen Lang. Jake Sully (Sam Worthington) & Neytiri (Zoe Saldana)
Tlangzarh hun: December 16, 2022
Thor: Love and Thunder
Natalie Portman (Jane Foster) lo kirlehna pui tak a ni a, engti ang taka thiltithei nge a nih a, Thor tana a thawhhlawkna leh tangkaina pui rem rem tak i thlir thei ang.
Director: Taika Waititi | Starring: Chris Hemsworth, Tessa Thompson, Natalie Portman, Christian Bale & Chris Pratt
Tlangzarh hun: July 8, 2022
Top Gun: Marverick
Tom Cruise channa thar hian nghaihven a hlawh hle tawh a, Iceman (Val Kilmer) leh Marverick (Tom Cruise) te inkara inlaichinna tawrhhlelhawm tak i hmu dawn. Kirlehna remchang awm meuh lo mission pui tak hlenchhuak tura thlawhna khalhtute inpekna pui tak pawh i thlir thei ang.
Director: Joseph Kosinski | Starring: Tom Cruise, Jennifer Connelly, Jon Hamm, Val Kilmer, Jay Ellis, Miles Teller & Monica Barbaro.
Tlangzarh hun: May 27, 2022
Spider-Man: Into the Spider-Verse- P I
Brooklyn veng lama adventure pui tak nei tura thawnchhuaktu te chet dan te, Spider-People team pui tak te inveh kual vel i en chak ngang a nih chuan dam lo hauh char char ang che. Spider-Verse saga animation mit tlai tak chu chhawpchhuah a ni dawn.
Director: Joaquim Dos Santos | Starring: Shameik Moore & Miles Morales
Tlangzarh hun: October 7, 2022
Jurassic World Dominion
An duh emaw duh lo emaw Leia cheng mihringte’n khawvel dang atanga an rawn tawhluh dinosaur chi chrang hrangte nena khawsak ho an zir a ngai a, engti ang takin nge dam khawchhuah dan an zir ang, tih chu he film-ah hian i hmu thei ang
Director: Colin Trevorrow | Starring: Chris Pratt, Bryce Dallas Howard, Laura Dern, Sam Neill & Jeff Goldblum
Tlangzarh hun: June 10, 2022
Halloween Ends
Mask danglam tak vuah thin Michael Myers leh Laurie Strode (Jamie Curtis) te’n hlau leh khurin an siam dawn che. Hlauhna i tawrh chak a ngai ang a, tun atanga i rilru i lo tahriam a, i lo inbuatsaih that a ngai hle ang.
Director: David Gordon Green | Starring: Jamie Lee Curtis, Judy Greer, Andi Matichak & Nick Castle
Tlangzarh hun: October 14, 2022
Uncharted
Action-adventure film i ngaina a nih chuan i mamawh chhanna a tling ang. Tom Holland leh Nathan Drake te’n rohlu tak zawng an fehchhuahna a ni a. PlayStation-Naughty Dog video game khel tawh tan phei chuan a hmuhnawm lehzual dawn a ni ber e. Indiana Jones min hriatchhuah tir rum rum.
Director: Ruben Fleischer | Starring: Tom Holland, Mark Wahlberg & Antonio Banderas
Tlangzarh hun: February 18, 2022
Scream
Wes Craven-a Meta-horror fifth instalment-ah hian nunhlui tha lo leh chhe tawh takin a umzui dan tihbaiawm tak thlir theih a ni dawn a, vanduaina vanga a nun hlui thenkhatin a bawh buai zui zel danah hian a changtunu Sidney Prescott (Neve Campbell) a lungawi thei ang em le?
Director: Matt Bettnelli-Olpin & Tyler Gillett | Starring: Neve Campbell, Courteney Cox, David Arquette & Jack Quaid.
Tlangzarh hun: January 14, 2022
The Batman
Billionaire Bruce Wayne (Robert Pattinson)-a’n a chhungte corruption bupui a haichhuah chhoh mawlh mawlh laia amah thah ngei tuma umzuitu, serial killer The Riddler te inveh dan pui rem rem tak chu mit tla lek lekin i thlir ang.
Director: Matt Reeves | Starring: Robert Pattinson, Jeffrey Wright, & Zoe Kravitz.
Tlangzarh hun: March 14, 2022
John Wick: Chapter 4
Japan, France leh Germany-a hmun pawimawh tak taka shooting nei an ni bawk a, Keanu Reeves lo kirlehna a lo ni lehzel nen, pawikhawihna rapthlak hlenchhuah tumna hi thinphu dep depin i en ang. Marko Zaroro (Chidi)-a’n a changtupa tan tawrhna namen lo thlentura a fehchhuahna film a ni e.
Director: Chad Stahelskis | Starring: Keanu Reeves, Donnie Yen, Bill Skarsgård, Marko Zaror
Tlangzarh hun: May 27, 2022
The 355
He khawvel chhe tawh tak chhanhim tura hmeichhe spy rual chanchin tarlanna hmuhnawm tak a ni a, Veteral X-Men ziaktu leh director ni bawk Simon Kinberg-a theihna leh thiamna hi kan hmu zel a, a chanpual a hnehzia te thlengin thlir theih a ni ang.
Director: Simon Kinberg | Starring: Jessica Chastain, Lupita Nyong’o, Diane Kruger & Pene. Cruz
Tlangzarh hun: January 7, 2022
Death on the Nile
Kum 2017 daih tawh a, ‘Murder on the Orient Express’ film hlawhtling tak en tawh chuan Kenneth Brangah in la mitthla thei ngei ang a, tun tumah pawh hian detective pui lutuk tak angin a lo kirleh. A changtupa leh director angin! Nile luipuia vacation an hman laia rokhawmtu tur hmeichhe tleirawl thihna a chhui dan hi a mak hle!
Director: Kenneth Branagh | Starring: Kenneth Branagh, Gal Gadot, Armie Hammer, Annette Bening, Rose Leslie & Letitia Wright
Tlangzarh hun: February 11, 2022
Mission Impossible 7
Stunts turu-buru, hlauhawm em em bawk si ngaina tan Tom Cruise-a inlanna seventh instalment hi hmaih phal chi a ni lovang. Thihna nena insi lek leka a khawsak dan hi thinphu det deta en ngai a ni.
Director: Christopher McQuarrie | Starring: Cary Elwes, Rebecca Ferguson & Vanessa Kirby
Tlangzarh hun: September 30, 2022
Sonic the Hedgehog 2
Live-action film ‘Sonic the HedgeHog’ kha kumina sum lalut hnem ber pawl a ni a, part 2 pawh hian beisei a pha leh viau tura ngaih a ni. Sonic leh Tails te’n misual kuta emerald thiltithei tak a tluk luhlohna tura zinkawng hautak an paltlangna hi 2022 min nghahlelhtirtute zinga a tel. Civilazation tung ding a, tlusawp chhe vek thei tura khawpa thiltihtheihna hi misual kutah a tlu lut mai ang em..?
Director: Jeff Folwer | Starring: Jim Carrey, James Marsden, Ben Schwartz & Tika Sumpter
Tlangzarh hun: April 8, 2020