Mahuma Memorial 1st Division Screening Tournament 2021-22 ah Kulikawn Cricket Club in hnehna nen bul an tan a. Team tha pahnih inkhelah Hunthar Cricket Club chu wicket 5 in an hneh.
Suaka Cricket Ground-ah Hunthar CC in vaw hmasa in an opener Saroj Kumar chuan run 49 a siam a, ani chetthat zarah over 24 chhuungin run 105 an tlin. Kulikawn bowler-te an che tha a, Hunthar captain Moses-a chiahin an tana che tha an bul tantu Saroj hi run sawm aia tam siamin a thlawp thei.
Kulikawn tan run 106 siam turin over 24.5 bak a ngai lova. Opener C. Lalrinsanga’n run 26 a siam a, a tawp a chakpuitu Parvez Ahmed(28) leh Sahil Reza (15) te dinngheh hnuah hnehna chan a hautak tawh lo.
An bowler te chetthat Kulikawn in an chhawr a, Parvez-a’n wicket thum la in Michael Lalremkima, Sahil Reza leh TC Laledenthara ten wicket hnih theuh an la.
Mahuma Memorial Tournament hi round dawt leh kumtharah khelh chhunzawm a ni tawh ang.
Mahuma Memorial 1st Division Screening Tournament 2021-22
Hunthar CC vs Kulikawn CC
Suaka Cricket Ground, Sihhmui, Aizawl, 50 Ov., Limited Overs, 21-Dec-21
Toss: Hunthar Cricket Club in vuak hmasak an thlang
Hunthar Cricket Club 105/10 (24.0 Ov)
Saroj Kumar 49(45)
Moses Ramhlunmawia 18(27)
Parvez Ahmed 3/13(7)
Sahil Reza 2/10(4)
TC Laledenthara 2/16(3)
Michael Lalremkima 2/17(3)
Kulikawn Cricket Club 106/5 (24.5 Ov)
Parvez Ahmed 28(41) C. Lalrinsanga 26(26) Sahil Reza 15(30)
Lalhruaitluanga 2/9(5)
Moses Ramhlunmawia 2/10(5)
Rakesh Chakma 1/18(5)
Kulikawn Cricket Club wicket 5 in an chak
Man of the match : Parvez Ahmed (Kulikawn Cricket Club)