December ni 22, 2021 zan khan The Salvation Army, Behliangchhip Corps-in Salvation Army Complex, Behliangchhip, Tripura-ah Coffee Nite an hmang a, Mizoram atangin minister of state Robert Romawia Royte leh zaithiam ten an hmanpui.
Robert Romawia Royte chuan Salvation Army thalaiin Coffee Nite an buatsaih thin chu lawmawm a tih thu sawiin, Chhandamna Sipai pawlin ringvai leh chanhaite tana nasa taka, kawng hrang hranga hma a lak tawhna leh a lak mekna chu lawmawm a tih thu a sawi.
“Zampui tlang hi Zofate tana pal, defence line pawimawh tak a ni” tiin, Robert Romawia Royte chuan “Tripura leh Mizoram inlaichinna siamtu a ni mek a, inpawhtawnna kawngpui laih mek a tlang that hunah phei chuan Mizoram tana thlamuanpuiawm tlangdung a la ni dawn a ni” a ti bawk.