EKI Energy services ltd. hotu ten nimin khan chief minister Zoramthanga chu a pisa-ah hmuin, carbon trading chungchang, Mizoram chu carbon trading atan a that thu leh state tan sum hnar tha tak a nih theih dan te an sawipui.
EKI Energy services ltd. hi kum 2008 a Indore a din niin, Carbon credits project management, Carbon credits trading etc. ah India rama sulsutu an nih thu sorkar thuchhuah chuan a tarlang.
EKI Energy services ltd. hotute leh chief minister te inkawmnaah hian adviser to chief minister C Lalramzaua, State planning board vice chairman H Rammawi, Adviser to CM (technical) Er. Lalsawmvela te pawh an tel a. Chawhnu lamah state planning board vice-chairman hovin EKI Energy services hotu ten hmalak zui theihna tur te an sawiho zui ve leh bawk.