Minister of state Robert Romawia Royte-in kumin atana pisa kai tan ni nimin khan a department enkawl – ICT Directorate, Mizoram State Sports Council, Tourism Directorate leh Sports Directorate office te tlawhin kumthar chibai a buk.
Robert Romawia chuan kum 3 kaltaa Covid hripui kara a department pathumte hnathawh dan leh an thawhchhuah ropui a tih thu sawiin, kumthar lo thleng mekah nasa lehzuala hmasawnna hna thawhpuiah department officer te leh staff te a sawm.
Department tihlen chiam aiin thawhchhuah len a pawimawh zawk thu Robert Romawia chuan a sawi a. Sorkar phurrit siam lo zawnga ruahmanna siam a tul thu leh hmasawnna hna te chu a hnua sorkar phurrit ni lova sorkar chhawktu an nih theih dan tur zawnga kalpui thiam a tul thu a sawi bawk.