Assembly-a thawk te inhlantharin, infuihthar

Mizoram state legislative assembly speaker Lalrinliana Sailo leh Deputy speaker Er Larinawma hovin nimin khan Assembly annexe conference hall-ah Assembly-a hnathawk ten inhlanna leh infuihtharna hun an hmang.

Speaker Lalrinliana Sailo chuan kumthar 2022 tluang taka Pathianin a hruai thlen avanga lawmawm a tih thu sawiin, hri leng kara hun an hmang thei chu vannei a intih thu a sawi a. “Kan hnathawhna hi hun tam tak kan hmanna hmun a ni” tiin mahni insiamthatna leh hmasawnna tur ngaihtuaha, rilru inbuatsaihna nen kum 2022 hman a pawimawh thu a sawi.

Kum 2022 chu Mizoram legislative assembly golden jubilee kum a nih avangin a lawmna buatsaih chungchangah thawktute thahnemngaihna leh inpekna nasa tak a ngai dawn tih speaker chuan a sawi a. Mahni hnathawh theuh hrechianga, mahni inenlet fova, rinawm taka sorkar hna thawk theuh turin a fuih bawk.

Deputy speaker Er. Lalrinawma pawhin “Thawktu ten kan thawhpuite bula hlim hmel pu chungin hawihhawm taka min dawrtute hmachhawn a ngai” a ti a. “A te ber atanga a lian ber thlengin chanvo kan neih te rinawm taka thawh kan tum tur a ni” mahni hnam zia ngaihsan pawimawhna leh hnam zahpuilo mi nih a tul thu a sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427