Bollywood stars zinga Instagram-a follower ngah ber ni turin Priyanka Chopra a dingchhuak ta.
Instagram-a sum lalut hnem ber tihchhuah zingah pawh tel pha hian follower maktaduai 72.4 a nei a; Shraddha Kapoor (Mtd. 68.5)-in dawtin, pathumnaah Deepika Padukone (Mtd. 63.4) a lang. Tunhnaia pasal nei Katrina Kaif (Mtd. 60.4) leh Akshay Kumar (Mtd. 58.3) te top 5-ah an lang.
Nikum August khan Priyanka leh Deepika te hi fake follower ngah ber milar 10 zingah an lang nawlh tawh a, khami \um khan umzui an hlawh hle.
Institute of Contemporary Music Performance (ICMP) tarlan danin, Deepika follow-tu 48% te fake an nih ang bawkin Priyanka-i follower 46% pawh hi a lem a ni. Hei hian inhnialna nasa tak a tichhuak.
Priyanka hi Kim Kardashian, Christiano Ronaldo leh milar dangte ang bawkin promotional post siam keuha sum tam tak lalut zingah a tel. Post pakhat a siam hian cheng vaibelchhe 3 vel a lalut, tih a ni.