Nimin khan Shillong Chamber Choir dintu Neil Nongkynrih chu kum 51 mi niin Reliance Hospital, Mumbai-ah a boral.
Uncle Neil tia hriatlar boral thu hian ramchhungah mi tam tak a bara-khaih a, an zingah Prime Minister Narenda Modi pawh a tel.
Heti ang hian…
Twitter kaltlangin, “Mr. Neil Nongkynrih hi Shillong Chamber Choir member langsar tak a ni a, khawvel pumpuiah an hla leh rimawi hmangin mi tam tak an awi a. An performance hi keimah ngei pawhin ka chhim tawh. Min kalsan hmâ hle mai. Kan hrereng tawh dawn a, a chhungte leh amah ngaisangtute ka tawrhpui em em a ni. RIP” tiin a ziak a ni.
Meghalaya Chief Mi-nister Conrad Sangma pawhin Uncle Neil hi a sun nasa hle.
“Shillong Chamber Choir lar tak dintu, Padma Shri Neil Nong-kynrih boral thut hian tawngkama sawichhuah thiam loh rilru hreh-awmna nasa tak min thlen a, ramchhunga choir tha ber mai an ni a, an thlen chin apianga mipui awi hlimtute an ni. Vawiinah hian lunghlu thami kan chán a ni,” a ti ve bawk.
Shillong Chamber Choir hi 2010 kuma India’s Got Talent winner niin, Uncle Neil hian 2015 khan Padma Shri chawimawina a dawng.