UFC president Dana White chuan March 5 a pay-per-view an buatsaih tur UFC 272-ah champion inchuhna pahnih chinfel a ni dawn tih a sawi chiang a. Featherweight title leh bantamweight title bout a awm dawn.
Featherweight champion Alexander Volkanovski chuan a vawi thumna atan champion hlui Max Holloway a hmachhawn dawn a. Cage chhungah an hmuhnawm dun thin avangin bout nghahhlelh a ni.
Hei bakah fighter pahnih an inkar boruak leh thil thlen dan avanga ngaihven hlawh tak ni bawk an intum dawn a, bantamweight champion Aljamain Sterling chuan interim champion Petr Yan a hmachhawn ang.
Contract tihfel la ni lo mahse engkim tihfel a nih thuai tur thu White chuan a sawi.
Kum 33 mi 23-1 record nei Volkanovski hian kum 2019 December a Holloway hneh a a champion hnuah kum 2020 July khan a hneh nawn a. An intum hmasak pahnihah hian an inthlau ngai lo. UFC 266 khan fight hmuhnawmah Brian Ortega a hneh bawk.
23-6 record nei Holloway hian nikum khan Calvin Kattar leh Yair Rodriguez te a hneh bawk.
20-3 record nei Sterling hian nikum March-ah champion lai Yan disqualify a nih avangin title hi a kawl a, vawikhatmah humhim turin cage a la luhpui lo thung.