Natna khirh tak Systemic Lupus Erythematosus (SLE) in a tlak buak a, tunah hian a kal (Kidney) a function tawh lova, dialysis lak te a ngai a, a lung (Heart) te pawh a tha lo.
Nimin lam phei kha chuan oxygen pek ngai dinhmunah dingin, Female ward-ah enkawl mek a ni.
idol zinkawng
Desy hi Mizo Idol 2009 khan Top 6-ah inhlang chhoin, Judge te leh mipui lawm a hlawh a. Hmabak eng tak neia sawi a ni. Idol zingkawng a tluang chho zel nia ngaih a nih laiin, stage a sâng tawh a, zaisual/tihsual palh a pawi em avang khan a thleng sâng ta lo mai nia sawi a awm.
A tlâk chungchangah thawm a ring a, sawizui a hlawh. Amah ngaihsangtute leh zaithiam titute lung a awi lova, Judge te leh Mizo Idol buatsaihtu Zonet thlengin sawisel an hlawh nasa. A boruak a lian a, a tla ta mai kha an hrethiam thei lo. A hun laia titi lian tak a tling. Idol zinkawngah hian zaithiam lar Saizikpuii Sailo (L) khan a buaipui a, zaite zirtirin, kawng hrang hrangin a support thin a, a hlate pawh a saktir nghe nghe.
Hemi hnu hian Brighter Higher Secondary School-ah kalin, an hotute’n a senso leh tul dangte pawh an free vek a ni. PUC-ah kal chhunzawm lehin, zawi zawiin zai lamah a thawm a reh zui ta a ni ber.
a nat tan dan
Insawiselna a neih hi a rei ang reng tawh a, hripui leh chhungkaw harsatna neuh neuh avangte’n kum khat dawn enkawlna mumal a dawng thei lova.
Tichuan, boruak te tha chhovin, nikum kumtawp lam khan A pa ute’n Aizawl lamah enkawlna tha zawk dawng turin an hruai a, mahse a natna a lo khirh tawh em vangin hmasawnna hmuh tur a awm meuh lo.
thianthate an tangkai
Mizo Idol-a a thiante’n whatsapp group siamin, theihtawp an chhuah a, enkawlna senso ngaite an thawh khawm. Australia-a cheng RK-a Boi-tlung (Mizol Top-3) chuan sum tam tak a rawn thawh nia hriat a ni.