Kum 63 mi Madonna hian a fate hman tur phone a lo pe hman thawt thawt chu tlaikhaw hnu-ah a inchhir hle a, fate nena inkara inlaichinna-in a tawrh phah, a ti.
A fate- Lourdes (25), Rocco (21), Dave & Mercy (16) leh Esther & Stella (9) te a nei mek a, a upa lam te’n phone an hum fur tawh a, fate nena inlaichinna tichhetu-ah phone chu a mawhphurtu ah a puh lo thei lo.
Queen Of Pop chuan, “Kum 13 mi lek an nih laia phone ka lo pa kha ka tisual takzet. Hemi hnu hian kan inlaichinna in a tawrh phah nasa hle a, an nun-a thil pawimawh leh hmun pawimawh tak a luahchhoh nghal mai avangin a pawi ta hle a ni.
“Mobile Phone an neih hnu hian midang nen an inkhaikhin pah nasa hle a, hei taka hi an thanlen zel nan thil tha lo tak a ni,” a ti.
Hetih lai hian a fanu lian ber Lourdes chu a rin phak baka talent nei tha a nih thu a sawi a, amaherawhchu, social media leh hausakna hian a duhzawng leh tuizawng a buaipuina ah a tithuanthu nasa hle, a ti bawk.
Thiamna leh changkannain a ken tel zingah Mobile phone hian mihringte inkara inlaichinna a suih ngheh theih laiin, lehlamah a dah hrang thei bawk a, khawvel inang lo leh buai nuaiah a chhuah thei a ni.