Hri leng laka mipui himna turin Mizoram sorkarin nimin khan inkaihhruaina thar tun thla ni 8 atanga ni 31 zanlai thlenga hman tur a tichhuak a. Zan lama inkhawm phal tawh chu tihtawp lailawk leh rih a ni dawn.
Hri leng laka himna tura inkaihhruainate tha taka zawm chungin chhun lamah chauh, biak ina leng zat chanve aia tam lo inkhawm theih a ni dawn a. Zing leh tlai tawngtai inkhawm phal a ni thung.
Picnic spot, gym, beauty parlour leh spa pawh khar lailawk leh rih tura tih a ni a. Aizawl bikah bazar leh dawrte chu district bawrhsapin LLTF leh dawrkai inzawmkhawm pawl hruaitute râwn chungin dawr inhawn chhawk dan tur ruahman tura tih a ni.
Thu leh awm hma chu minister-te public interview khar leh rih a ni a. Group A leh B officer leh staff-te dan pangngaia pisa kai tura tih an nih laiin, group C leh D staff leh kohhran/sakhaw hrang hrang office te, private company/office – consultancy services etc., te chu a chanve zela inkalchhawk tura tih an ni. Phalna la lawk lova office tlawh/dawr phal a ni lo bawk.
District hrang hrang bawrhsapte chu an district chhunga COVID19 hri len dan dinhmun azira inkaihhruaina siam tura tih an ni bawk a ni.