Bollywood star Katrina Kaif (38) chuan a hringnuna tawrhna leh hliam a hmachhawnna atanga zirlai pawimawh a zirchhuah a sawi.
Pasal nei deuh hlim hlawl chuan, “Hringnun hian ka tum loh leh beisei ngai reng reng lo lamtluang zawh turin min chhawpchhuak a, rilru lama inbuatsaihna tha leh awmze nei tak ka nei hman lo. Mahse, Tunge ka nih min zirtir thung a, rilru lama hliam leh pem ka ngah hle.
“Tawrhna, hmangaihna leh phatsanna nen lam ka tawng thin. Chumi rual vek chuan, rinngamna leh rintlakna nun min zirchhuah tir bawk a, hriatthiamna pawh ka ngah pah hle. Chuta tang chuan hringnun hi a pâwn lam maia thlir tawh lovin, thûk zawkin ka zuk hmu thiam ta,” a ti.
Bollywood hmeichhe zinga beiseiawm ber pawla sawi ni mah se, Katrina zinkawng hi a bumboh angreng hle a, hmangaihna kawnga a tluan hleih theih loh hnu ah nikum tawp lam khan Bollywood star Vicky Kaushal (33) nen ‘Tiam Tlat E’ an ti ta a ni.