Parliament-a thawk mi 400 chuang-in hri kai


Parliament-a Union Budget Session tan a hnaih mek laiin Indian parliament-a thawktu mi 400 chuang chuan COVID-19 an kai niin thuneituten an sawi.
Thuneitute chuan ANI hnenah thawktu mi 1,409 awm zingah mi 402 chuan hripui leng hi an kai tawh niin an sawi a. Hei hi January 4 leh 8 inkarah chauh khan a ni a, eng hri nge an kai tih hriat tumin an sample-te chu endik nawn (genome sequencing) tura thawn a ni tih an sawi.
“January 4-8 inkar ringawt khan thawktu mi 402 chuan COVID-19 an kai tih hmuh chhuah a ni a. An zavai hian an sample hi genome sequencing tia Omicron variant kai an ni em tih hriat tum a ni,” tiin thuneitu pakhat chuan ANI a hrilh.
Parliament-ah hian thawktute hi sorkarin hri leng inkai darh lohna tura dan zamte zawm vek tura tih an ni.
“Lok Sabha bik buaipuitu mi 200, Rajya Sabha lam changtu mi 69 leh thawktu hrim hrim mi 133-in hri an kai a, an zavai hian uluk taka enkawl leh an hnuhma pawh chhui vek a ni,” tiin thuchhuah siam a ni.
DDMA-in hri laka himna tura inkaihhruaina a tihchhuah thar berah chuan sorkar pisate chu tum khatah thawktu zahve (50%) zel pisa kaia a zahve dang in atanga thawk tur an ni a. COVID-19 chi thar, Omicron avang hian sorkar laipui chuan a hnuaia thawkten pisa an kai tih hriat nana kuta nem chi (biometric) chu a kalpui rih lo bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427