New York apartment building-a kangmei nasa tak chhuakah naupang pakua telin mi 19 vel an thi.
Hliam tuar mi 32-te damdawi inah dah luh an ni a, thenkhat chu an na hle niin New York Mayor Eric Adams chuan a sawi.
Fire department Commissioner Daniel Nigro chuan chhawng 19-a sang inah hian chhawng tinah thi an hmuh thu leh meikhu chu nasa tak a nih thu a sawi.
Hetiang zat thi hi New York khawpuia kum 30 chhunga an la tam ber a nih thu NBC News a hrilh bawk.
Tun hnai lawkah khan Philadelphia-a apartment kangin naupang pariat telin mi 12 an thi tawh bawk.
Pathiannia kang hi Bronx apartment block-a chawhma dar 11:00 (India-a India-a zan dar 9:30) vela chhawng hnihna leh thumna atanga intan a ni tih thuneitute chuan an sawi.
Kangthelhtu mi 200 velin thelh hna thawkin electric heater atanga intan a nih an ring.
Commissioner Nigro chuan kangmei hi chhawng hnihah chauh chhuak mah se meikhu erawh chhawng tinah a nasa tih a sawi.
Kangmei chhuah tanna chhawnga kawngkapui ber chu a inhawn avangin a khu hi a darh ta vak niin Commissioner Nigro chuan thuthar lakhawmtute a hrilh.
“Kan miten chhawng tinah ruang an hmu a, lungphuchawl leh thawk lama buai an ni hlawm,” a ti a. Hliam tuar 63 awmin damdawi inah 32 an awm a, 13 chu an na hle.