Mizoram Football Association hnuaia kum 40 chunglam football inelna tur GIG Motors Veteran Football Tournament 2022 chu February 8 atangin khelh a ni dawn.
He inelna hi Mizoram University Ground, Tanhril-ah khelh tur a ni a, February 17-ah Rajiv Gandhi Stadium-ah final khelh a ni ang.
Champion team in cheng nuai khat leh trophy an dawng anga. Pahnihna in Rs. 50,000 an dawng ang.
Aizawl khawpui chhung atanga team tel turte chu AMC Ward pakhat atangin team pakhat zel tur a ni a. Aizawl pawn atang MLA Constituency pakhat atangin team pakhat zel a ni ang.
Entry fee hi Rs. 1000 niin February 3 hma in 2Goal Agencies, Chanmari leh Chawngthu Sports ah te pek tur a ni.