HMEICHHE HUANG
I thi neih a mumal lo viau em ni?
- Robert Zoliana
A buaithlak a ni- zep lovah chuan, thineih hi sawi tur leh tarlan tur a tam hle a, a hnawk nuai mai bawk a, hriatthiam harsa tak pawh a ni. Thineih hun hi ni nga a nih hnu pawh a, chawl lova ni 25 chhung i nei chhunzawm zel a nih chuan mak i ti ang a, ngaih-thatlohna lian tak i nei nghal bawk ang.
Nimahsela, thineih leh hunah chuan a reh ve mai ang a, a tha ve leh mai ang ti reng reng suh. Mumbai khawpuia awm Lady Ratan Tata Medical Research Centre-a mithiam Dr. Satish N. Tibrewala chuan thineih hun chhung pangai lova, rei lutuk thin hi hetiang hian a sawi fiah.
A hmasaberin…
‘Hun bi’ ruat bik a awm lo tih hriat phawt tur a ni a, pangai taka a lo chhuak a ni tih hriat theihna chu thineih dan atang khan harsa lem lo takin a lang mai a. A tlangpuiin, ni 3-5 a nih laiin, hemi piah lama nei chhunzawm zel i nih erawh chuan thil fel lo a awm tan ta a tihtheih awm e.
Hetih rual rual hian thi lo chhuaka hi a nasa vak lo mai thei a, chutih laiin thi a chhuak tam lutuk a nih erawh chuan a pawi thei a, a chhanchu thi tam tak a luan ral vang niin, enliam mai mai lova doctor pan nghal vat tur a ni.
Engatinge… thi lo chhuak thina hi?
“Thineih hun chhung rei lutuk thin hi dul hnuai lama natna inkai-chhawn theih thil a awm vang a ni,” tiin Dr. Tibrewala hian a sawi a. Hetiang hi cervical emaw endometrial-ah harsatna a awm thin vang ni tlangpuiin, hmeichhe lam thiam doctor rawn ngei ang che.
Hemi piah lamah, heng vangte pawh hi a ni thei tho tih hriat a tha:
1) Nau tihtlak (hmâ taka)
2) Hormone rual khai lo
3) Poly-Cystic Ovarian Disorder (PCOD)
4) Bleeding disorder
5) Hyper-thyroidism
Hlauhawm thleng thei te:
Hei hi hriat hmasak phawt a tha, tunah khan thi chhuak kha pangai viauin lang mahse, a rei chuan thisen tam tak i hloh tih hria la, thisen tlem vanga harsatna hi harsa lo takin a lo thleng nghal thei. Tin, natna inkaichhawn theih i neih a, ngaihsak zui lem loh a nih bawk chuan zual lam a pan thei bawk.
Dr. Tibrewala sawi zel danin, thisen a chhuah tam zel a, a hlawm angtea a lo chhuah bawk chuan taksa tan a pawi thei hle a ni a ti.
Engnge i ei ang?
Eitur hi – thlaihnah, thlairah leh thei ro lam pang tiin chi thumah then thei la, hengte hi pangai takin ei reng la, tin thisen level enfiah reng bawk tur.
Thlai
Tomatoe leh thlaihring angah hian iron hi a tam hle a, nitina ei turte an ni.
Theirah
Balhla, apple leh kawlthei ah pawh hian iron a tam a, ei chi tak a ni bawk. Dr Tibrewala hian hetianga thi chhuak reh thei lo enkawlnan hian mahni siam (home made) pawh hi tangkai taka hman a tha a ti a. Bawnghnute leh tumeric powder chawhpawlh nitin in thin tur a ni.
Hetianga inenkawlna hi thil dangah pawh hman theih a ni a, taksa atanga thi chhuak reng rengah hian hman thin a ni.