MNF MLA rualte chu nimin khan Chief Minister Zoramthanga hoin an \hukhawm a, kumina flagship programme SEDP kalpui dan tur an sawiho.
MNF Legislature Party Secretary L Thangmawia’n The Zozam Times a hrilh danin, MNF MLA rualte hian kumina SEDP an kalpui dan tur sawiin, an party policy chu sorkar harsatna karah pawh mipui tan a \angkai thei ang bera kalpui nise, an ti a. MLA-te hian SEDP kalpui dan tura rawtna hrang hrang an neihte an sawi hlawm a; chungte chu ziaka chhinchhiah vek a ni.
Myanmar a\anga Mizorama kaltlanga dan loa kuhva rah tlawh luh chungchang pawh MLA rualte hian an sawi ho bawk a, hri leng dinhmun leh Mizoram boruak pawh an thlirho.
Tun hnaia Deputy Chief Minister Tawnluia hoa political party aiawhten assembly bial ding lai siksawi leh a hming thlak chungchang an lo sawi ho tawh chungchang pawh MLA rualte hian an thlirho bawk.
Sorkarna an chan hnua an hmalak tawhnate pawh sawi ho niin hmalak zel dan tura an duh dante an sawi bawk.