Take That band atanga rimawi khawvela hriatlar, a hnu-a solo anga lar zui ta Robbie Willams that tur hian pawi-sa tam tak seng-in an ruai.
The Mirror hrilhin, “Hemi chungchang hi tunhma khan ka sawi-chhuak ngai lo hrim hrim. Mahse, min that tur khan pawisa tam takin mi an ruai. Mipui hmâah he thil hi tunhma in ka sawi ngai lo. Thiante ka nei. Heti ang thil hi i lar hnu-a thil thleng ve thin a ni,” a ti.
“Eng emaw hun lai tak kha chuan nuihzatthlak khawp khan ka lar ve hman a, Michal Jackson-style anga larna te pawh a ni mahna. Kum 17 ka nihin min hre tan viau tawh a, 16-ah boy band nen khan kan lar. Kum 21 ka nih khan kal hrangin, solo kawng ka zawh a, album maktaduai 80 chuang hralhin, nikhat thil thu-a tour ticket hralh hnem ber record te kha ka siam hman,” tiin a hun hmasa lama thil thleng a sawi lang bawk.
Kum 2000 chho vel khan Mizoram ah pawh Robbie Williams-a hla te a lar hle a, ‘Angel’ leh ‘Be-tter man’ te chu thalaite’n an sa deuh vek thei lon’g maw,’ tih hial khawpin thil tihhona leh zaikhawmna ah te an sachhuak thin.