Attention Please: Online Class leh Pornography. In chhungkua in him em?

• VL RENGHANG

H

ripui len avangin sikul a pangaiin a kal theih lova, zirlaiten duhthlan tur dang an neih loh avangin online a class an kal a ngaia, hei hi tun generation a naupangte vanduaina a ni. Online class ah hian zirtirtuten an zirlaite hnen an thleng tak tak thei lova, zirlaite zirtirtu tak tak zawk chu internet a ni.

INTERNET KHAWVEL LEH KHAWVELNA
Internet khawvelin Khawvel tana a pek tam ber chu insumkarna tel miah lo leh Pathian hriatna tel miah lova nawmsipbawlna a ni a. Mihring in mihringa nawmna awm zawng zawng haichhuah a tum emaw tih mai tur a ni. Chung zinga pakhat chu pornography hi a ni a. Internet site tamtakah hian zawn ngai lovin a lo chhuak nguah nguah zel maia. Hei tak hi naupangte tana thang hlauhawm tak a ni. Chhungkuaah inzirtirna mumal kan neih loh chuan tun ai hian kan chhe chho dawn. An duh vang leh tum reng vang pawh ni lovin online a lehkha zir \hinte hian internet a thil an zawn kualna lamah sex video te an en dawn tih chu thil chiang să a ni.

PORNOGRAPHY IN MIHRINGA NGHAWNG A NEIH DAN
Pathianin mihringte min siam danah, chi thlah tura siam kan nih avangin phurna nei theia duan kan ni. Mahse chu chu mihringa englai pawh a nung reng tura duan erawh a ni hauh lo thung. Porn movies te hi mipat hmeichhiatna hman chakna, phurna rang taka chawh thawh nana siam an ni a. Hei vang hian a entu te nunah pangai loh na a thleng thuai \hina, an rilru leh ngaihtuahnate nasa taka hruai kawiin a awm thina. Addict theih a ni bawk a. Porn en addict hi drugs addict tluk tho a thil \ha lo a ni. Mihringa nghawng a neih hi a chhe hle maia. Chung a nghawng langsar zualte chu –

1. Porn en \hin chuan mi zinga awm a thlahlel lova, a ruka en ngai thil anih avangin mahni a awm dan an dap ngar ngar \hin.
2. An thin a chhe thin a.
3. Zirmite chuan nupui/pasal an neih hnu ah nupa nun hman kawngah harsatna an tawk \hin an ti.
4. Engtiklai pawhin sex hman chakna sang tak an nei reng \hin a, chu chuan insumtheih loh na siamin naupang, rualbanlo leh tar, mahni inveng thei lo te pawngsualna a thlen.
5. An taksaa chakna awm reng avang chuan mahni anpui kawp pawisak lohna a thlen a.
6. Naupang thleng in itna a pe a, chhiatna leh mualphona nasa tak leh, midang nun tihchhiatna a thlen.
7. An suangtuahna zawng zawng an thil en in a luah avangin Thlarau Thianghlim pawlna an dawng thei lova.
8. An concentration a ti buai a. Zirlai ten an zirlai an thiam thei lo.
9. An chakna chu an puitlin tir chuan mi bawraw takah an chhuak thei a ni.

ENGTINNGE IN CHHUNGKUA IN FIHLIM LEH FIHLIM LOH I HRIAT ANG?

1. Chhungkaw member tu emaw chu or zirlai chu, midang awm lohnaa phone an khawih ngat ngat \hin chuan.
2. A chhan leh vang awm lova an thin a rim ringawt zel in.
3. An zirlaiah rilru an pek miah loh in.
4. Midang zinga an awm lai pawha an rilru an lo kawm char char a thil sawite pawh engmah an lo hriat \hin loh in.
   Hetianga an awm chuan, an phone ah enge an en thin ngaihven ang che.

ENGTINNGE I TIH ANG?
Internet a luhna (browser) te khan kan thil en te reng reng hi an chhinchhiah vek a, chung chu en chhuah theih vek a ni. Google ah khan a khamphei zawng a thil inrin pathum aia tlem lo emaw, a chhukthla zawng a dot pathum aia tlem lo, va sir dinglam emaw, vei lam emaw, a hnuai emaw, a chung emaw ah khan zawng la. Kha tah khan i lut anga, HISTORY tih kha i en \hin dawn nia. Hruk rehna chang an hriat loh chuan khatah khan enge an tih a en theih vek a nia. Incognito mode tiam lovin.

A PAWI LO, CHANGKANNA ALAWM i ti ngawt dawn em?
Hmanah ralleng nu pakhatin a sermon ah ‘Mizote hi India ah porn en tam lamah an sang ber’ a ti ngawt pek a, chutiang chu kan ni em tih ka chhui nek tawh a. Chumi tuma ka thil hmuhchhuah chu, Bible in sual, tha lo, leh awm loh dan tur a tih zawng zawng hi tihdan tur tiin an zirtir a ni ber tih hi a ni a. Mi nu, mi pa uirea an nupa khum lo tihbawlhhlawh te kha ropuina, hmeichhe naupangteah virginity hloh chu hmasawnna duhawm. A rapthlak a nia. A dang chu sawi vek lo zawk mai ang. A tawi zawngin hurherhna inzirtirna a ni ti mai ang. Chung thil \ha lo leh zirtirna \ha lo a pil bo chu kan hlau em em tur a ni. Hetiang en leh hetiang lama \hanharh em em hi changkannaah kan ngai mai tur a ni lova. Kan lo ngai anih pawhin changkanna dik lo leh \ha lo, sap ho nun \ha lo, anmahni pawhin tha an tih tlan vek ni bik chuang lo, entawn tlak lem lo a ni tih kan hre tel dawn nia.

|AWNG|AI SAK |HIN ANG CHE
Tunah chuan naupang leh tleirawl ten phone an hum loh theih loh miau avangin ven sen an ni tawh lova. An tan thang leh thlemna a tam si a. Naupang leh tleirawl tam tak chuan a \ha lo a ni tih pawh hre lovin an em mial mial lovang tih sawi theih a ni lo. Nu leh pa, Pathian hretu in nih chuan în fate tan khan Pathian venna dil in \awngtai \hin rawh u aw. Puitling inih tawh chuan, fa i nei ve lo anih pawhin in chhungkuaa mite tan khan \awngtai \hin rawh aw. Pathianin an thinlung leh ngaihtuahna, suangtuahna khawvel te a ven theih nan. Naupang zawkte hi kan \awngtaipui mawlh mawlh reng a ngai a ni.

ZIRTIRNA PE RAWH
Mi tumah hian porn picture leh video te hi Internet hmang lo thei lova an awm chuan an pumpelh thei lovang. Chuvangin, zirtirna \ha in pek hi a pawimawh em em a. I fate, naute kha, hman ang a ni tawh lo, naupangchhia emaw an nih i tih lai khan an harh kar tawh tih hria in, mipat hmeichhiatna lam thil a an hriattur pawimawh chu hrilh vat ang che. Internet an hman in, heng thil a lo lan pawhin, “thil \ha lo a ni a, en miah loh tur” tiin hrilh nawn mawlh mawlh reng ang che. Hur taka changkan ai chuan nundan pangaia nun mai hi a \ha zawk fe a nia.