Mizoram sorkarin kum 2020-a lal dan indawt, order of precedence a chhuah tawh tun thlenga siam danglam a la nih loh avanga lungawih lohna lantir nan MADC-in a hranin Republic Day a hmang leh dawn.
Inrinnia MADC sorkar hotute leh Siaha tlawmngawi pawl hrang hrang aiawh thukhawm chuan MADC hruaituten order of precedence siam tha tura sorkar an ngennain uksak a hlawh loh dante an sawi ho a, order chu siam that an duhzia lantir nan kumin Republic Day pawh a hranin hman leh nise an ti.
Mizoram sorkarin August 11, 2020-a lal dan indawt, order of precedence a tihchhuah kha Mizoram chhung district council pathuma sorkar chuan duh loin an dodal a. August 14, 2020-a MADC sorkar leh tlawmngai pawl thukhawm chuan he order-a Autonomous District Council (ADC) hruaitute telh an nih loh avangin Independence Day a hrana hman an rel a, an thurel ang hian a hranin an hmang.
Heta tang hian order of precedence siam that phutin Independence Day leh Republic Day chu MDC-in a hranin a hmang ta zel a ni.
Inrinnia MADC hotute leh NGO aiawh thutkhawm kaihhruaitu MADC Executive Secy K.Chhihrau chuan State danga ADC hruaitute chu Cabinet minister rank te, MoS rank-ah te dah an nih laia Mizoram state chhunga ADC Leader te rank hniam tete-a dah an ni ta mai chu hriatthiam harsa an tih thu sawiin, an lungawi lo takzet tih a a sawi a, he order hi siam tha thuai turin sorkar an ngen nawn tih a sawi.