Information & Public Relations leh Mizoram Art Development Society (MADS) buatsaih, ni 4 awh tur Art Workshop -Colours of Mizoram’ 2022- chu nimin khan Aizawl Art Gallery, MUP building, Khatla-ah I&PR director Lallianpuii’n a hawng.
I&PR director chuan ni dangah chuan hri leng avangin workshop leh exhibition te online-a neih thin a nih thu sawiin, tuntumah erawh chuan mi thlan bik tlemte te tan offline-a art workshop chu buatsaih a nih thu a sawi a. Workshop a tel te chu sorkar inkaihhruainate tha taka zawm chunga a tawp thlenga hun hmang tura an inbuatsaih a tul thu a sawi bawk.
Art Workshop-a tel tur hian MADS member 23 thlan an ni a. Workshop chhunga an hmanrua tur board leh paint te sem a ni.