Spotify chuan rock star Neil Young-a hla te a paih tan ta a, amah leh podcaster Joe Rogan laka duhthlang tura a chona kalzela hmalakna a ni.
Covid chungchanga thu dik lo thehdarhah puhin Young hian Spotify-ah , “Rogan emaw Young an nei thei ang. Mahse, neih kawp erawh a thiang lo,” tih a hrilh.
Rogan hi naupangte hnena Covid-19 vaccine pek dodaltu infectious disease specialist te interview vanga sawisel hlawh tak a ni chho mek.
Spotify hian hma a lakna hi pawi ti hle mah se, engtik hunah emaw chuan Young a lo kirleh ngei an beisei thu an sawi.
Canadian-American musician leh classic rock hit tak tak satu hian Spotify chu vaccine chungchanga thu dik lo leh belhchian dawl lo puangzar thin ah a puh a, an mahni kaltlanga thupuan dik lo tak awih vanga thihna hial thlengah a puh bawk.
Young hi a lungawi lo hle tih a hriat a. A website lamah pawh spotify a bei chhunzawm a, ‘Covid thu dik lo thehdarh a, midang nunna tihderthawngtu’ a tih bakah, ‘Sum hmuhna tura dawt hralhtu’ a ti hmiah hmiah mai.