Facebook leh Instagram kaltlanga royalty an hmuh that tak avangin zaithiam lar tak takte sum hmuh namen lovin a tam chho mek a, a bik takin UK-a artist te dinhmun a tha chho lehzual.
Licencing income bikah hian British artist te an duai lo hle a, share an neih hi pound maktaduai 746 a tling chho der tawh a, 2020 aia a punna hi 4% niin, PRS for Music-in a tarlang.
Zaithiam leh hlaphuahthiam an vannei lehzual a; Ed Sheeran, U2 leh the Rolling Stones te sum bawm-ah a liam zawih zawih mai.
Online music streaming a vung tak em avangin mi maktaduai tam takte chuan heng service- Spotify leh Apple Music lamah an inziak-lut chur chur mek a, heta tanga royalty lo luta hi a namai lo hle.
Kawng lehlamah billion tel tak meuha youtube-a music video en an pung zel bawk si a, dingchhuak laklawh tan mai ni lo, hmelthar te tan pawh kawng a inhawng zau hle.
Pung hluai
PRS hian Facebook leh Instagram kaltlanga music play a nih chiah hian sum engzat nge lut thin tih hi direct takin a tarlang lem lo na a, online kaltlanga hla play a nih hian kum khat chhungin pound maktaduai 146 vel a zaichhuah tir theih tawh a, nikum aia a punna 30% a ni tawh hial!