Khawvela hriselna lam buaipuitu pawl lian ber World Health Organisation (WHO) chuan tunlai tleirawl tam zawkte chu an harhvang lo hle a, taksa chetna (exercise) lamah an inhmang tha tawk lo, a ti.
Zirchiannaa a lan danin, tleirawl 80% vel zet hi taksa sawizawi ngai mumal lo an ni a, an zingah hian hmeichhia (85%) leh mipa (78%) an awm a, phone bih ngur ngura hun tam zawk hmang thin an nih avangin an ngaihtuahawm chho tawh, tih a ni.
The Lancet Child & Adolescent Health journal-ah kum 11-17 inkar maktaduai 1.6 te nunphung uluk taka enfiah an ni a, ram 146 an tuam-chhuahna ah hian mipa te aiin hmeichhia te hi an chechang lo zawk tih a ni. Tonga, Samoa, Afghan-istan leh Zambia tih loh ram dangah mipa aiin hmeichhia an ‘active’ hret bawk.
WHO-in a tarlan ah hian taksa chetna nei thin hi tleirawl zingah an tlem tial tial a, chu chuan hun lo la awm zel turah an hriselnain a tawrh pah hle dawn. WHO-a an puipa pakhat Dr Regina Guthold chuan, “Taksa chetna leh insawizawi uar lehzual tura hmalakapui an ngai tak tak tal. A bik takin physical activity lama hmeichhiate an tel tam theih dan tur kawng zawn a ngai,” a ti.
Zirchiannaah Bangladesh leh India ram din-hmun a him lo hle a, mipa leh hmeichhia inkarah exercise lak leh heti ang lam buaipuina a hniam ber, tih a ni.