- Robert Zoliana
Covid-19 hripui thawh hnihnaa delta variant ah khan naupangte’n an tuar nasa hle a, omicron-ah pawh hian an tuar nep chuang hauh lo, tih hriat a tha. Hripui hluar chho leh mekah hian naupangte pawh an ral bang thei leh tlat lo.
Naupangte hi hri kai nasa an ni leh tan ta reng mai a, symptom na tak nei thei dinhmnunah inhlang kai leh tawhin, natna benvawn dang an neih phei chuan Damdawi In a dahluh te pawh an ngai fo mai.
Naupanga Covid-19 lanchhuah dan
Tun tumah hian chau ngawih ngawih (fatigue) hi hmun tam takah a langsar pawl a ni. A hnuaia mi te pawh langsar taka hmuh theih a ni:
2) Lû nâ
3) Hrawk thip
4) Hnap tui tam/tla
5) Hahchhiau
Naupanga hmuh khàt thin Covid-19 lanchhuah dan
Omicron hian thâwkna dâwt lam (respiratory system)-ah chhiatna a thlen nasa thei a, taksa peng dang te pawh a tibuai thei hle. Heng a hnuai natna lanchhuah dan te hi co-mmon lem lo mah se, thleng ve fo thin a ni:
1) Kawtha lo
2) Thak neuh neuh
Hetih lai hian, heng thil pahnih te hi thleng zen zen lo a ni a, case pawh a tam lem lo. Case danglam takah chuan, naupangte hian boruak an hip luhna lamah infection an nei tlat mai bawk a, an khuh ri pawh a danglam hle.
Vaccine la tawh naupangte ah natna lan-chhuah dan a dang em?
India-ah kum 15-17 inkar te vaccine pek chu chak taka kalpui chhunzawm zel a ni a, a tlangpuiin naupang zingah omicron symptom hi a nasa lem lo. He hri hi an kai a nih chuan hritlang angrengin an awm a, natna lanchhuah dan nasa tak a awm lem lo. Tarlan fo tawh angin, vaccine lak hnu pawh hian hripui hi kai theih tho a ni a, mahse, dinhmun chhe lutuk tur a tihniam thei.
Naupang venhim dan tur
I fate zingah kum 15-17 inkar an awm a nih chuan a rang thei ang bera vaccine lak tir tur a ni ang.
Vaccine hian naupangte ah dam lohna nasa tak thleng tur lakah a veng thei a, infection nasa tak awm thei tur te pawh a tihniam thei.
I fate khan covid-19 laka him theihna tura inkaihhruaina- Mask vuah that, ei leh in lakluh that, a tul tawp-khawkah chauh pawn chhuah, kut sil fai that, puipunna hmuna tel ve loh leh midangte nena inkar hlata awm te hi an ngaipawimawh tur a ni a, i chah fo tur a ni bawk.