Kum a thar a, Korea Drama te’n lemchan khawvel an uap lum leh tan ta. January 28-a Netflix-a tihchhuah, ‘All of Us Are Dead’ chu tlangzarh phat a nih atangin ranking-ah a saâng ber.
Top TV show tarlanah he film hi pakhatna a ni chiang hle a, Korea drama record siam tawh te a thiat fai vek a ni.
‘All of Us Are Dead’ hian point 679 hmu in, Netflix K-Drama premier tawhah a la sang ber. Nikuma hit tak, ‘Hellbound’ khan point 634 a hmuh laiin, ‘Squid Game’ in poind 231 hmuin, bul a tan hniam hle.
Ni hnih a liam hnu January 30-ah ‘All of Us Are Dead’ hian point 803 a hmu chho tawh a, Netflix-ah a vawkpui lal len chiang hle. Bul tan duhawm leh hit nghal danah ‘Squid Game’ khan a pha lo chai chai hle a ni.
Netflix hian Korean show hit chhoh dan a en hian content-ah pawh a dah chungnung zel niin, a lang a, khawvelpum huap anga K-drama ngaihven lehzual a nih vang hian sumdawnna kawngah pawh ‘risk’ lak ngam a ni tih ah an chiang.
Tunah hian subscribe man te tihniam thla zelin, hun remchang a hawng.