Germany khawthlang lamah an tih dan thin pangngaia lirthei kal vel an lo tihdinnaah police officer pahnih kah hlum an ni.
An ram sanaa Thawhtanni zing dar 4:20 (India-a zing dar 8:50)-a officer-ten France nena an inrina bul, Rhineland-Palatinate state-a Kusel district-a lirthei an lo tihdinnaah kah hlum an ni.
Kum 29 mi mipa leh kum 24 mi hmeichhia an ni a, an pahnih hian police academy-a zirlai ve ve an ni.
Police chuan a kaptu hi nasa takin an zawng zui mek.
Thil thlenna lai vel kawngpui hi khar nghal niin thuneitute chuan ram hnuaia tei chhuak rih lo turin mipuite an ti a, a titu hi mi pakhat, ralthuam keng a nih an ring a. Officer-te hian thil thlenna thenawm state, Saarland-ah pawh mi zawn huang hi an zauh.
Police-te beihna thlen dan hi hriat chian a ni lo va, a titu pawh hriat theih a ni lo va, a lirthei, khawi lam hawia tlan chhia nge a nih engmah hriat a ni lo.
German chanchinbu, Bild chuan officer-te hian he kawngpui atang hian radio message pahnih chu an thawn chhuak niin a tar lang.
Message hmasaah hian officer-te hian lirthei rinhlelhawm tak an tihdin thu leh a hnunga phal loh thil a phur tih an sawi.
Message hnuhnung zawkah hian kah an nih thu an thawn leh a, radio-a inbiakna chu a tawp zui niin an tar lang.
Puitu an thlen chuan hmeichhia zawk hi a lo thi tawh a, a thawhpui pawh a hnu lawkah a thi zui niin tual chhung chanchinbute chuan an sawi.