Aizawl South II bialtu MLA Lalchhuanthanga’n nimin khan Kulikawn ram chhung Chekbawk rama huan/loneitu Chekbawk farming society te huan/lo tlawhin, an harsatna tawh mek te a en pui.
Kulikawn chekbawk ram chhungah hian huan siama eizawng chhungkaw 70 vel an awm nia sawi niin, kum engemawzah kalta atang khan thlai chi hrang hrang chingin, eibel berah an hmang a. Hun rei vaklo kalta atang khan sorkarin Chekbawk ramah hian kawng sialin, thlai puitling tawh te nasa taka nawr chhiat a ni a, kawng laihna leivungin nasa takin a chhilh chhiatsak bawk nia thudawn a ni a. Sorkar hmalakna hi helai hmuna ram neitute mumal taka hriattir lawk an ni lo nia thudawn a ni bawk.
Sum leh tha tam tak senga kuthnathawktu ten an thlam sak te pawh leivung leh lunglumin a den chhiatsak nia thudawn niin, an harsatna tawh te chu a rang thei ang bera ngaihvena, engemaw zawng tala hmalak sak tura sorkar an ngen thu helai hmuna ram neitute chuan an sawi nia thudawn a ni.
Nimina tlawhtu bialtu MLA Lalchhuanthanga chuan kuthnathawktute harsatna tawh sutkian na tur chungchangah a tul anga hmalakpui a tum thu a sawi bawk.