February 1, 2022 khan Excise & Narcotics Department (END) chuan Phunchawng leh a chhehvela dan kalha zu siamna hmun 11 zet an luh chhuah a, hetah hian zu bilh lai tin 1,710 leh rakzu Litre 420 bakah zu siamna hmun pawh an tichhia.
Thawhlehni vek khan END hian Thuampui Vengah heroin gram 23 (Hawng 2) leh a neitu nia puh – Lalmuansanga Guite (29), Champhai, Dinthar Veng, tuna Thuampui venga khawsa mek nia inchhal chu an man bawk.
END hian nimin chawhma dar 9:30 khan Bawngkawn Sairang Road-ah heroin gram 165 (Hawng 13) leh a neitu nia puh – Lalnunpuia @ Khuala (20), Tuithim, Tahan District, Myanmar-a khawsa nia inchhal chu an man bawk.
END hian, tun lai rakzu zu hian lungphu chawl, kal leh thin thalo leh natna dang dang a thlen awlsam em avangin hetiang zu hi an lo hmu fuh hlauh a nih pawhin in lo hram turin mipuite ngen nawn leh a ni.
January, 2022-a END-in ruihhlo leh a kaihhnawih an man dan:
- Rakzu litre 7,808
- Zu bilh lai tin 2,795
- IMFL (750 ml) bottle 1487
- IMFL (375 ml) bottle 147
- Beer (500ml) Can 1512
- Beer (300ml) Can 104
- BEDC litre 220
- Heroin gram 818
- Ganja kg 2.719
- Methamphetamine gram 203
- Alprazolam tablet 40
- Tramadol tablet 10