Amazon dintu, Jeff Bezos-a nawmchenna lawngleng (superyatch) kaltlangna tur bik liau liauin Rotterdam khawpuia lei hlun tak pakhat, khawpui chhinchhiahna tling chu thiah a ni dawn.
Yacht hi khawvela mi hausa ber ta niin Dutch firm Oceanco-in an sak a ni.
Feet 417 (metre 127)-a sei lawng hi Koningshaven Bridge hnuaia kal tur hian a sang lutuk a ni.
Khawpui mayor pawhin lei thiah tura sawi awm chu a nih thu a sawi chiang tawh a, Bezos-a hian Oceanco kaltlangin dilna leh pawisa pawh a tum dawn tih a sawi.
Lei thiah tur hi Dutch chanchinbute chuan Thawhlehni khan chhuahin tual chhung miten De Hef tia an sawi lei hi feet 130 (metre 40)-a sang lawng a kaltlang theih nan a then thiah lailawk a ngai.
Steel-a siam lei thiah tur hian titi a titam hle a, chanchin thui tak nei tawh leh ram pum pawhin an hriat a ni a. Kum 2014 leh 2017 inkar pawh khan thawm thata thiah a lo ni tawh a, thuneitute chuan thiah nawn leh a nih tawh loh tur thu an sawi.
Mayor pisa chuan lawng satute hian tih dan tur an ruahman a, lawng a kaltlang hnuah a ngai ang chiaha sak leh an tiam niin AFP news agency chuan a tar lang.
“Tuipuia a kal chhuahna theihna tur kawng awm chhun a ni,” tiin mayor thupuangtu chuan a sawi.
Lawng saka a lak chhuahna turah hian Rotterdam-a an hotu lian, authority project leader Marcel Walravens chuan ruahmanna siamin Rijnmond website hnenah hetianga Bezos-a lawng an sa hi an ram eibar dinhmun atan a tha a, Rotterdam chu ‘Europe-a tui lam khawpui’ tia hriat hlawh phah theihna a nih dawn thu a sawi.
Walravens-a chuan lei thiah hi nipui velah an tih a rinawm niin tual chhung chanchinbute a hrilh a, thenkhat chauh thiatin chawlhkar reilo te chhungin an siam tha leh hman dawn niin a sawi.
Oceanco hian nawmchenna lawngleng pui tak an sa tih hi nikum khan hriat a ni a, tu ta nge tih erawh firm hian sawi duh lo mah seBloomberg-in kum 2021-a Bezos-a chanchin an ziahah a ta a ni tih hriat a ni ta a ni.
Y721 an tih hi hetiang lawngah chuan khawvela lian ber tur a nih thu Boat International chuan a tar lang a. Nawmchenna thil tinrenga thuam niin helicopter pawh tum thei tura duan a ni.
Forbes chuan Amazon dintu hi $ tluklehdingawn 175 nei angin an chhut a. e-commerce industry lama hriat a hlawh bakah Bezos-a hi Washington Post chanchinbu neitu a ni a, space company Blue Origin a nei bawk.
&&&&&&