Civil Hospital, Aizawlin Mizoram Journalists’ Association General Headquarters member-te tana a thlawna inentirna a buatsaih chu nimin khan Deputy Medical Superintendent Dr Thanchungnunga’n tawngtaia Pathian hnena hlanin an tan.
MJA President Zonunsanga Khiangte-in kum 2009 vel atang khan kum khat leh a chanve vel zel angah Civil Hospital, Aizawlin MJA member-te tana a thlawna inentirna a buatsaih thin thu leh lawmawm an tih thu a sawi. MJA member-te a thlawna inentirna ni hmasa berah hian MJA member 30 vel an inentir a, vawiinah chhunzawm leh a ni ang.