KTM chuan premium R variant bika 890 Duke roadster chu international market-ah a phochhuak ta a, KTM thar 890 Duke R hian standard 890 Duke aiin inchhuanna tur leh hawi ‘champna’ na tur a ngah.
A hmasa berah chuan 889cc parallel-twin, liquid-cooled engine kaltlangin 890 duke R hian 121bhp power leh 99Nm sang ber a pechhuak thei dawn a, standard model ah kha chuan 113.4bhp leh 92Nm a ni thung a ni.
Hardware lamah chuan tubular steel chassis a tel a, R version-a suspension bika hi WP APEX suspension hmanga kalpui a ni. Braking setup-ah rear- ah hian 240mm single rotor a awm a, 17-inch alloy wheels mawi zet a awm bawk
890 Duke R ah hian ABS leh corner laknaa traction control system (6D lean angle sensor) a awm. He motorcyle changkangzet mai hian ride mode pathum- Rain, Stret leh Sport a nei.
Styling lamah ve thung chuan color chei thar hmuh theih a ni dawn a, Atlantic Blue color thar hian mit a la. KTM RC 16 GP race leh 1290 SUPER DUKE R ah te khan hman a lo ni tawh.
Tun tuma 890 Duke R pawh hi signature rawng orange frame mawi tak nen kan hmu leh dawn e.