Kum 2020-a Covid-19 leng thawh khatnaah khan mi 8,000 chuang sum leh pai lama an tlakchhiat avangin an intihlum.
Hemi chungchang sorkarin a tihchhuah hmasak berah COVID-19 thawh khatnaah khan mi tam takin an hna an chân a, thla tam tak thawh chhuah nei lovin an awm tih tar lan a ni.
Minister of State of Home Affairs Nityanand Rai chuan Nilainia Rajya Sabha rorel inkhawmah, “Mi 8,761 lai hna nei lo, tlakchhiat leh leiba neih vangin kum 2020 khan an intihlum,” a ti.
Home ministry hian kum thum chhung, 2018 leh 2020 chhung khan mi 25,251-in sum leh paia buaina avangin an nun an chân tih a sawi bawk.
Sorkarin a chhinchhiahnaah kum 2020 chhung khan mahni state ni lova hnathawka awm intihlum an awm a lang lo.
Eptuten hri leng thawh khatnaa inkharkhip laia mahni in lama haw thi chhungte hnenah sorkarin zangnadawmna a pe em tih a zawhna ziaka a chhannaah hetianga a tar lan avang hian eptute chu an thinrimin zawhna a tam phah hle.
Ministry chuan mi vaibelchhe khat vel state pawna hnathawk, mahni in lama haw an awm thu a sawi a bawk.