London atanga RSL AWARDS music exam result chhuakah Mizoram atangin music school 11 (Aizawl 7, Champhai 2, Keifang 1, Serchhip 1) a zirlai 40 ten exam an hma-chhawn a. Exam zingah icon atanga zaithiam hriat hlawh Zoramchhani pawhin vocal grade 8 distinction ah pass in 95/100 mark a hmu.
RSL Awards hi 1991 a din a ni a, Music grade exam (electric guitar, bass, drums, acoustic guitar, piano, vocals, music production, music theory) bakah Performance Arts (Musical theatre, acting, screen acting, jazz dance, street dance); Vocational (schools, colleges, training providers, music practitioners, creative music industry, creative digital media, creative practitioners, creative industries practitioners) te a zir theih.
Khawvel ram 45 ah inzar pharhin kumtin mi 80,000 chuangin an hnuaiah heng exam chi hrang hrang hi an hmachhawn thin.
Kalpui dan
Khawvela hripui len hnu hian London atanga examiner lokal a remchang ta lova. Recorded Video Exam hmangin music exam hi kalpui a ni.
Exam dan tur video kaihruaina mumal tak zawmin an examna video chu khawvel hmun hrang hrang atangin a hmunpui ber London-ah thawn a ni a, endik tura ruatten uluk taka a lo endik leh in, result an puangchhuak ta thin a ni.
India ramah pawh State engemaw zat atangin zirlai thahn takin exam hi an hmachhawn bawk.