- George L. Ralte
Kan ram hmasawn zelna tur atana thil pawimawh tak mai pakhat chu zirna hi a ni.Zirna tha nei tur chuan a kal phung that a ngai a, kan ram ah chuan mi thiam ten uluk takin hun eng nge maw ti chhung a hman tur an duang lawk thin.Chumi hmanga in elna chu kan nei tlang hi a ni ber mai.Zirlaibu siam leh chhut thu ah te ennawn leh kal phung siam chungchang ah te Sawrkar lam thu neitu te mawhphurna hi a sang em em a ni.
Kum 50 lo awm leh tur a thangthar khawvel duangtu an nih miau avangin an hna hi a pawimawhin tih sual nei thiang lo tluk a an thawh taihmak hi a pawimawh em em a ni.Mi zawng zawng thil a nih avang tak hian kan ramah chuan sikul an kal hma chungchang ah te sikul chawlh hun te Exam hun te zir tur chin duan sa hmang te leh ruahmanna kal pui a nih avang hian sikul zirlai bak ah sikul zirtirtu te nu leh pa te leh mi dang te hi an pawimawhna a sang viau reng a ni.Kum tin hian ram hmasawn nan zirna pawimawhna hi hre chiangin World Economic Forum chuan tehfung sawm pahnih hmangin ram hrang hrang te din hmun zir chianna a ti chhuak thin a, kum 2017 khan Asia ram lam an che tha hle mai a,pakhatna din hmun hauh char char thin Finland ram pawh a hnung tawlh dawrh phah a ni.World Economic Forum in Criteria an hman thinna ah hian zirna mai bak ah ram hmasawnna atan a pawimawh ram leilung nghawng tham hmasawnna heng Marco-Economic Enviroment te Infrastructure te hi a tel thin a ni.
Zirna atana senso leh zirna kaihhnawih bak ah mihring hriselna leh dam rei zawng te Primary zirna leh mi thiam hman tlak chherchhuah tam lam te thleng hian teh khawng ah an hmang thin a ni.Heng ram changkang USA te leh Uk te chu zirna lam a ti tha sawm zing ah kum 2017 khan an tel lo leh a, zirna thatna ram World Economic Forum in a tarlan te hi Grade ah tarlangin Japan ram leh South Korea ram te hi an sang thei hle thin a ni.
South Korea ram zirna System hi khawvel ah pakhatna niin mi thiam tam zawk te chuan an ngai thin a ni.South Korea ram a sikul naupang te hian a chang chuan chawlh kar khat ah ni sarih sikul kal nan an hmang thin a, tunlai ah chuan ram tam zawk te hian Technology thiamna hi lehkha zirna nan an in tih hmuh tawh a, hriat belh theihna min petu a nih avangin he lamah hian tan an la nasa hle a,zirna sang zawk ah phei chuan an tangkai hle a ni.