Liverpool in Premier League hmahruaitu Manchester City nen an inkar chu point kua chauh ni turin an mamawh result an nei a. Leicester City lakah 2-0 in hnehna an chang.
Ningani zana Anfield a Premier League inkhelah Liverpool in squad an neih chhah an chhawr a. Inkhelah team hlauhawm zawk chiang taka ni in an Portuguese forward Diogo Jota bawk an mamawh hunah a che leh a. An chakna turin goal hnih a khung.
Foxes goalkeeper Kasper Schmeichel a chet\hat zanah hian Roberto Firmino leh Luis Diaz te goal khung tur \ha takin a dansak a. African Cup of Nations khel zo hlim Mohamed Salah chuan second half-ah Schmeichel-a goal bar a deng dawp bawk.
Tun season a goal 17 khung tling turin forward \angkai Jota chuan minute 34-naah Virgil van Dijk-a ball tauh Schmeichel-a nam per a\ang goal hmahruai a khung a. Minute 87-naah an goal hnihna buai miah lovin a khung leh.
Foxes in goal luh hma in James Maddison hmangin goal khung theihna hun\ha an nei a, an chhawr theih loh an tan a pawi. Tun season-ah an tlawm leh \hin avangin 12-naah an awm mek a, Reds erawh khelh khatin City lakah la khel tlem zawk chungin champion lai an um mek.
Reds boss Jurgen Klopp chuan champion beiseina an neih tlem tawh thu inkhel zawhah a sawi a. “Kan dinhmun leh kan inthlauhna thlir hian kan tih\haih pha ang em ka hre lo. Han umphak ngaihna hi an awm tawh lova, mahse hei vang hian kan tum dawn lo tihna a ni hauh lo.”
“Kan hma a inkhel awmteah hnehna kan chan a ngai a, he football club hi a ropui a. He kawr hi kan ha a nih chuan kan chak a \ul. Mahse chak reng theih a ni bik lo.” tiin a sawi.
Gunners chak ve leh ta
Arsenal in kum 2022-ah a vawikhatna atan hnehna an chang a. Wolverhampton Wanderers lakah 1-0 in an chak.
Molineux Stadium-ah Gunners tan defender Gabriel chuan minute 25-naah Alexandre Lacazette-a ball thai chu goal-ah a ti lut a. Wolves in October thla a\anga Premier League inkhel a first half a goal an chhuah hmasak ber a ni.
Second half-ah Gunners forward Gabriel Martinelli hnawhchhuah a nih danin sawi a hlawh a. Zing takin yellow card pek nawn niin Chiquinho a foul avang leh ball vawm luh tur a tihbuai avangin hnawhchhuah a tawk.
Arsenal boss Mikel Arteta chuan inkhel zawhah, “Khatiang kha he rem a kum 18 ka awm chhung hian ka la hmu ngai lo.” tiin red card thutlukna a sawi.
Referee thutlukna hi football dan angin referee in a siam theih niin inkhel zawhah Gunners defender hlui Martin Keown chuan a sawi ve thung a. Chutihrualin referee chuan a ti mah mah a, inkhel a nghawng danglam phah nia a ngaih thu a sawi.