TECH TONIC
OnePlus Nord CE 2
OnePlus chuan India ramah Nord series smartphone thar a tlangzarh leh dawn ta a, February 17 hian MediaTek Dimensity 900 processor chak taka thuam Nord CE 2 a phochhuak ang.
Battery-in bul tan hmasa phawt ila, 65watt Super VOOC fast charging chhawm tel hmang hian ni khata i hman tur hi minute 15 chhung vel lekin a charge full pap dawn a, 4,500mAh a tawk viau. 5G network thahnem tak mil bawk si hi ngaihven ran chi a ni.
OnePlus Nord CE 2 hi 6.43-inch AMOLED display, HDR10+, 90Hz refresh rate, 12GB RAM leh 256GB storage (I duh phawt chuan 1TB thlenga tiHlen theih a ni) nen a fuh dawn hle niin a lang a, camera bikah chuan 64MP primary OmnVision lens thazet mai- 8MP ultra-wide lens leh 2MP macro lens nena kawp bawk si vuah a ni. Selfie leh video call atan 16MP fiah fai tha dah a ni bawk a, i hlimpui dawn tih a chiang e.
He smartphone hi Android 12 base OxygenOS 12 out of the box hmanga run tur a ni a, nikuma tlangzarh OnePlus Nord CE 5G thlaktu tur hian 3.5mm Jack a nei dawn a, thil lawmawm tak a tling.
A man zat tur sawi chian la ni lo mah se, Rs 23999-24999 inkar ni tura ngaih a ni.