Hollywood khuaah ‘Hollywood Team’ an hlawhtling a. Los Angeles Rams chu American football inelna lian National Football League champion an ni a. Thawh\anni zinga champion inchuhna Super Bowl LVI-ah Cincinnati Bengals 23-20 in an hneh.
Los Angeles khawpuiah Super Bowl vawi 56-na hi nghah a ni a. Rams khelmual SoFi Stadium tharah team pahnihte an inkhel. Beisei khum a, rinhlawh lo zawk ni chunga a tawp thleng sual chhuak Bengals team tan Rams star player rualte dan zawh an ni lova. A tawp dawnah Rams hian lehthal in an team chanchin a vawi li nan Vince Lombardi Trophy an chawi.
Zinkawng ngaihnawm
Tun NFL season \an a nih dawnin Los Angeles Rams chungah beiseina a awm a. An team enin Playoffs a che\ha tura ngaih an ni.
Rams hian NFL a player \ha rual an la khawm a, salary cap khauh tak hmangin team-ten hlawh a sen theih zat inang vek an nei a, hetia khairual an ni chungin Rams in fing leh huaisen takin team an rem a. League a star player an ngah.
An khingpui Cincinnati Bengals hi khaw te team an ni a, tunhma a Super Bowl vawi hnih khel tawh niin NFL Playoffs khelpha ve fo \hin mahse an team a len loh bakah team neituten an kalpui danin sel a hlawh \hin.
Kum 2019 season khan regular season-ah vawi hnih chauh chak an nei a. League a team che chhe ber an nih avangin No.1 Draft pick kum 2020-ah an nei a, he pick hmang hian Louisana State University quarter-back Joe Burrow an thlang.
Burrow-a’n a season khatna a\angin team-ah danglamna a siam nghal. Mahse a season hmasa ber game 10-naah a khup zai ngaiin na takin a inhliam a, a inkhel zui tawh lo.
Bengals in tun season \an hma in LSU a Burrow-a \hianpa wide receiver Ja’Marr Chase leh kicker Evan McPherson te an lalut a. NFL draft a\ang player naupang la khawmin team an indin.
Tun season-ah beisei khum vekin vawi 17 a\angin vawi 10 an chak a, AFC North-ah sang berin Playoffs-ah Oakland Raiders leh Tenesse Titans te bakah champion tura rin Kansas City Chiefs an barakhaih chho vek.
An inkhel ta
Rams coach Sean McVay-a’n an chakna lai chhawr a tum a, point score vat a, Aaron Donald leh Von Miller te kaihhruai defense hmanga Bengals hrek a tum.
An hlawhtling thuai a, first quarter-ah NFL a receiver lar ber Odell Beckham Jr. touchdown dawn turin Stafford-a’n ball a vawm.
2nd quarter-ah pawh Rams bawk langsar hmasa in tun season a Offensive Player of the Year dawngtu All-Pro zinga thlan Cooper Kupp chuan touchdown vawi hnihna a dawng a, Rams 13-3 in an sang nghal.
Mahse Burrow-a’n fak a hlawh chhan tak a tilang a, harsatna kara chiai ve ngai lo a nihna Bengals in an chhawr. A ball vawm tur ai running-back Joe Mixon hnenah a pe a, Mixon-a’n tihsual thian miah loh tawhah Tee Higgins hnenah ball a vawm a, touchdown an nei.
3rd quarter \an veleh yard 75 a hla a\angin Burrow-a’n Higgins balldawn tur a vawm a, touchdown nei lehin Bengals in hma an hruai.
Mahse 3rd quarter-ah Bengals panna lai a lang a. Tun season a Offensive line ranking-ah 20-na an ni pha \awk a, he offensive line hian an quarter-back veng hneh lovin Burrow hi vawi nga lehlam defense in an bawhchilh thei a. Hmalam an pan thei lo.
4th quarter-ah point li chauh a hma an hruai chu an tuar ta ngei a. Minute 1 leh second 25 a la awmin kum 28 mi Kupp-a’n danglamna a siam a, a touchdown vawi hnihna a nei a, 23-20 in an sang.
Burrow a nih miau avangin Rams hna a la zo lo. Bengals in point hmuh belh ngei an tumlaiin NFL a defensive lineman \ha ber Aaron Donald-a’n Burrow a vawi sarih nan a dah\ha zui a. Rams chakin an lawm a, Bengals in a vawi thum nan an tum ram an thleng zo lo.
Rams an lawmpuiawm
LA Rams hi kum 1999 hnua Super Bowl a an champion leh hmasak ber a ni a, hetihlai hian St. Louis a an inkhuar lai a ni. Kum 2018 khan Super Bowl-ah Tom Brady leh New England Patriots lakah uiawm takin an tlawm.
An star player rual zingah veteran player a vawikhatna atana champion an awm nual a. An team a player \ha bera ngaih Aaron Donald-a’n championship ring a nei tur chu team pumin an lawmpui.
Ani bakah kum 40 mi Andrew Whitworth pawhin lawmpui a hlawh a, kuminah a khelhna \hin Cincinnati leh Los Angeles a midangte tana hna a thawh hnem avangin Walter Payton Man of the Year chawimawina a dawng a. Super Bowl nen a inkhelh hun chhung khar tura ngaih a ni.
Free safety Eric Weddle chu kum 2019 a retire tawh niin kuminah Jordan Fuller leh Taylor Rapp an inhliam avangin Playoffs-ah a lo kir a. San Francisco 49ers an hnehna kawnga pawimawh niin Super Bowl nen a chawl dawn.
Cooper Kupp chu Super Bowl a Most Valuable Player a thlan a ni a. Ani hian NFL Legend Jerry Rice record tlukin season khat a reception, receiving yards leh touchdown ngah ber ni chunga Super Bowl MVP ni thei pahnihna a ni.