Delhi-a pitar kum 87 mi pawngsualtua puh man


Mipa kum 30 mi chu India khawpui, Delhi-a pitar kum 87 mi a pawngsual nia puh a nih avangin man a ni.
Police chuan an mi man hi tual phiattu niin Tilak Nagar venga a pawngsual nia an sawi pitar in bul lawka cheng a ni.
Pitar hi amah chauhva ina a awm lai leh a mut laiin Pathianni chawhnu khan beih a ni a, rawk a ni bawk niin police chuan an sawi.
Pitar chhungte chuan police hian thubuai an ziah luhah inrawkna chauh an telh thu leh pawngsual an ziah tel loh thu an sawi a, police erawh chuan an pha thung.
Police erawh chuan Pathianni khan a chhungten an rawk thu hi an thlen a, a tukah pawngsualna a thlen thu hi an thlen \ha leh zawk niin an sawi.
An chhung zinga pakhat erawh chuan Indian Express chanchinbu hnenah police hian pitar leh a fanu hnenah pawngsualna chungchang chu sawi ri lo turin an ti a niin a sawi a. “Police hian inrawkna chauhvah thubuai an siam a, a bak chu engmah min hrilh loh a ni,” a ti.
Pitar hi a fanu nen chauhva cheng an ni a, tawhsual a tawh lai hian a fanu hi a awm lo va. A haw chuan a nu hliam tuar chu a hmu ta a ni.
National Women’s Commission chuan Thawh\anni khan Delhi Police hnenah he thil thleng rang taka buaipui nghal lotu officer-te chu hrem turin an ti.
Kum 2020 pawh khan Delhi-ah hian pitar kum 86 mi chu pawngsual a lo ni tawh bawk a, hei phei hi chuan ram pum a deng chhuak a ni.
Kum 2012-a Delhi-a nula pawngsual leh thahna a thlen hnuah khan India-ah hian pawngsual leh mipat hmeichhiatna lama thil thleng hian ngaihven a hlawh zual tawh hle a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427