Barcelona in Europa League round of 32 first leg-ah Napoli an mikhual a, an khingpuite lakah hian tlawm teuh hle in Ferran Torres-a penalty khung hmangin 1-1 in an inhnehtawk.
Ningani zana Camp Nou-ah Barcelona in first leg an thleng a. Kum 18 chhunga a vawikhatna atan Europa League an khelhnaah si phur hmasa zawkah Spanish club hlun an \ang.
Minute 29-naah Napoli tan midfielder \angkai Piotr Zielinski chuan goal a khung a. Hei hi halftime dawn thlengin Barca in an sut lo
Mhse minute 59-naah Barca in an mamawh goal an nei a. Adama Traore ball cross chu Juan Jesus kutah a fuh avangin handball ham a ni a. Penalty chawiin Torres-a’n Alex Meret-a goal-ah a khung.
Goal khung thei lo Blaugrana
A thlengtu team hian inkhel \an tir a\ang ball an thunun a, attacking football an khel.
Napoli in goal an khung hnuah lansarh lai an nei ve tih loh chu Barcelona in na takin an nawr a, Italian club an inveng.
Tlarhmaah Barca in an ‘attacking trident’ thar hmangin goal an nawr a, Torres, Traore leh Pierre-Emerick Aubameyang ten goal khungna remchang an nei hnem a, an khung hleithei lo thung.
Inkhel tawp dawnah subsitute pahnih Luuk de Jong leh Ousmane Dembele te pawn hun\ha an hloh a, Torres-a’n chance \ha a hloh nual zingah vawi hnih uiawm takin a khung lova. Goal hmaah a team chakpui thei a nihlaia chance a hloh hnem avangin hnem a ngai hial.
Team pahnihte hi February 24-ah second leg an khel leh ang.
Eng nge an sawi
Barcelona manager Xavi Hernandez chuan goal khat chauh khung mahse an khel\ha tih a sawi a. “Kan inkhel a kim lo awmchhun chu chance kan neihte goal a chantir loh a ni a. A bakah ball kan chuh dan leh kan tha kan hman dante a fakawm hle a. Ball kan hlohin kan thawkrim a, chance 20 chuang kan nei a, kan khung belh lo kha a pawi ka ti.” a ti a.
A player Torres thlavang hauhin, “Hetiang hi thil thar a ni lova, Luis Suarez chungah pawh a thleng tawh. A insawn tirhin goal a khung nghal mawlh mawlh lo. Ferran-a’n penalty a pet ngam kha a huaisenna tilangtu a ni a. Chance nei tura tlan luh dan tur a thiam a, a taima bawk, a khel\ha a, goal hi chu a la khung \euh dawn.” a ti bawk.
Hetihlai hian Napoli manager Luciano Spalletti chu referee thutluknaah a lawm vek lova, “Draw result neih chu an inkhel a\angin an phu a, mahse an penalty hmuh erawh penalty tur a ni lo chiang.” a ti ve thung.
Rangers an au ring
Scottish club Rangers chuan round of 16 lutb turin dinhmun \ha an luah mek a. Westfalenstadion-ah goal li khungin 4-2 in Borussia Dortmund an hneh.
Mikhual team hi Dortmund in striker rinrawl Erling Haaland tel lo pawh a Dutch international striker Donyell Malen leh amah thlawptu captain Marco Reus, Julian Brandt leh English rawlthar beiseiawm Jude Bellingham te an rem theih avangin tlawm haw tura ngaih an ni.
Mahse inkhel \an tir a\angin Rangers inkhel a nung a, ball an chan apiangin an hmang thiam a, an goal an venghim \ha a, an lamah vanneihna a \ang \hin bawk.
Halftime hma leh hnu minute 16 chhungin inkhel result nghawng turin thil a thleng a. Minute 38-naah Dan Axel Zagadou handball avangin James Tavernier chuan penalty a\angin Rangers goal hmahruai a khung a. Alfredo Morelos chuan an goal hnihna a khung lehnghal thuai.
Second half \an hnu lawkah John Lundstram chuan Rangers goal thumna a khung a. Jude Bellingham hmangin Dortmund in an chhanglet a. Mahse tlarhnung a talbuai Dortmund in Dan-Axel Zagadou own goal an chawi belh hnuah huntawp dawn lamah beiseina an neihna turin Raphael Guerreiro chuan Dortmund goal hnihna a khung.
Rangers boss Giovanni van Bronckhorst result duhawm nei mahse thlir thui lutuk an tan a thiang lo tih a sawi.
“Zan duhawm a ni a, mahse chu bak a ni lo. Zan khat a ni. Round dawt leh kan lut lova, chu chu kan tum erawh a ni. Karlehah \ha taka kan khelh leh a pawimawh.” tiin a sawi.
Martial-a’n goal a khung
Spanish club Sevilla in Dinamo Zagreb mikhualin 3-1 in an hneh a. Round of 16 lut turin dinhmun duhawmah an ding.
Ramón Sánchez-Pizjuán-ah Sevilla tan Ivan Rakitic chuan penalty a\angin goal a khung a. Hei hi halftime dawnah Mislav Orsic chuan a sut.
Mahse Sevilla in halftime hma in goal hnih khung hmangin Lucas Ocampos leh loan a an hawh Anthony Martial ten goal an khung.
Round of 32 inkhel dangah Italy-ah Atalanta in Gewiss Stadium-ah Greek club Olympiakos an mikhual a. Berat Djimsiti goal hnih khung hmangin 2-1 in an hneh ve bawk.