English club Leicester City chuan Europa Conference League knockout round play-off first leg-ah Danish club Randers 4-1 in an hneh a. Quarter-final an lut fel teuh tawh.
King Power Stadium-ah Wilfred Ndidi hmangin Foxes in first half-ah goal an khung a. Ademola Lookman ball pass a\angin a pet lut.
Halftime dawnah an bet zawk chungin Randers in goal an khung a, Vito Hammershoej-Mistrati chuan an si phurh a sut. Mahse second half \an hnu lawkah Leicester City in hma an hruai lehnghal a. Harvey Barnes chuan an goal hnihna a khung.
Second half-ah Foxes an hlauhawm belh a, Patson Daka hmanga goal khung lehin Kiernan Dewsbury-Hall chuan Kelechi Iheanacho thawhrah sengin an goal hnuhnung ber a khung.
Daka goal khung tur hi offside angin lang mahse UEFA hnuaia tournament thar berah hian video assistant referee chu final-ah chauh hman a nih dawn avangin Foxes an vannei.
Tun round a chak zawk hian round of 16-ah group a sang berte an hmachhawn leh ang.
Rodgers-a hriat loh inelna, an tan chance \ha
Leicester City manager Brendan Rodgers chuan tunkarah Europa Conference League chu eng nge a ni tih a lo hre lova, Europa League group a\anga pathumna an nih hnuah an khel dawn tih a hriat loh thu a lo sawi tawh.
Mahse Ningani zan inkhelah erawh team khauh tak a rem a, Denmark-ah karleh a inkhel tur an tan a hautak tawh lo.
Tun season-ah league-ah an chet\hat tawk loh avangin Leicester City tan Conference League hi a pawimawh zual a. Champion in Europa League an khelh dawn avangin Foxes tan season thar a European football beiseina lian a ni thei ang.
An tana chanchin lawmawm lo erawh James Maddison inhliam a ni a, second half-ah lakchhuah a ngai a. Mahse Rodgers-a’n na lutuk ni lova an ngaih thu a sawi.