Mizoramah Covid-19 vangin naupang 12 fahrah


Mizoramah Covid-19 vanga nu leh pa emaw dan anga anmahni enkawltu chân naupang 12 an awm tawh a, chung mite chu PM Cares for Children scheme hnuaiah chhawmdawlna pek a ni dawn a; an puala bank account siamsakah Rs nuai 10 dahsak a ni dawn.
Women & Child Development (WCD) Directorate-a thawkten The Zozam Times an hrilh danin, Covid-19 vanga anmahni enkawltu chân naupang fahrah hi Aizawl district chhungah pariat, Serchhip district-ah pahnih, Mamit leh Siaha-ah naupang pakhat ve an awm a, heng naupangte hi PM Cares for Children scheme hnuaiah chhawmdawlna dawng tura thlan fel an ni tawh a ni.
PM Cares for Children scheme hnuaia chhawmdawlna dawng tur naupangte hi an hmingin Rs nuai 10 chu fixed deposit-in dahsak an ni dawn.
Kum 19 an tlin thleng thla tin stipend pek an ni dawn a, he stipend kaltlang hian higher education an kal chhunga an mamawh leina tur pek an ni thin ang.
Kum 23 an tlin hunah an puala sumfai dah chu tum khatah an la chhuak vek thei dawn a ni.
Mizorama Covid-19 vanga nu leh pa emaw, dan anga anmahni enkawltu chân naupang 12-te hi WCD leh an awmnaa district magistrate-ten bank account an hawnsak vek tawh niin thudawn a ni.
Hetihlai hian Covid-19 vanga nu emaw, pa emaw chân naupang kumtlinglo 155 an awm tawh bawk a, heng zinga naupang thenkhat chu Child Protection Services leh Juvenile Justice fund atangin sponsorhip kalpui a ni a, thla tin Rs 2,000 pek tur an ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427