Mizoram cricket team chuan tun season Ranji Trophy a an match hmasa berah Bihar lakah draw result an nei.
Jadavpur University Ground, Kolkata a inkhelah hian Bihar in first innings-ah run 686 siam mahse hnehna chang turin Mizoram an vawm out zo thei bik lova. A ni li naah Mizoram hian 2nd innings-ah over 60 a\ang run 199 an siam a. Wicket li chauh an hloh. Bihar in chakna kawng an nei tawh lo a ngai in over 60-ah khelh zui tawh loh an thlang.
Ranji Trophy hi match khat ni li chhung khelh tur a ni a. Bat nawmna pitch-ah Bihar in vuak hmasak an thlang.
Sakibul Gani chuan run 341 siamin Babul Kumar chuan run 229 a siam a. Bihar hi over 159.4 dingin ni hnih chhungin run 686 an siam.
Mizoram in first innings-ah run 328 an siam a, outstation player pahnih, captain Taruwar Kohli leh Uday Kaul ten run 151 leh 96 an siam a. Tualchhung batsman Vikash Kumar chuan run 33 a siam.
Mizoram hi follow-on tir niin an 2nd innings an chhunzawm lehnghal a. Captain Kohli bawkin run 101 a siam leh a, a ni hnuhnung berah hian Bihar lamin wicket an lak belh hleihtheih loh avangin run siam hnem hle mahse an chak thei bik lo.
Bihar hi 1st innings a hmahruaitu zawk an nih avangin point 3 an hmu a, Mizoram in point khat an hmu ve thung.
Mizoram hian Ningani-ah Manipur an hmachhawn leh ang.
Mizoram bowler G. Lalbiakvela chuan, “Kan inkhelhna pitch hi batsman tan a nuam a, kan outstation batsman te pawh an ding \ha. Plate Group a team \ha ber anga ngaih an ni a, player malkhaiah pawh inthlauhna chu a awm. Chuvangin kan inkhelhna pitch nen hian kan result hi result chhia a ni lo. Chutihrualin hmasawn theihna erawh kan nei.” tiin inkhel a thlirlet.
An inkhel leh tur chungchang sawiin, “Team intluk tak kan ni dawn a, kan inkhelhna hmun hi a ngai a ni dawn. Mimalah advantage han la vak thei turin kan inthlau dawn lova, chuvangin result \ha kan neih ngei kan inbeisei.” a ti bawk.