Indian Oil Corporation Ltd (IOCL) hnuaia Mizorama oil phurtuten an tlanna man rate tihhniam a nih avanga an harsatna tawhte lantir nan ni thum chhung oil an phur dawn lo.
Hemi chungchangah hian Mizoram IOCL Transporters Forum chuan thuchhuah siamin oil phura an tlanna man, kum nga hnuah a aia rate hniam zawka IOCL-in tlan tura a tih avangin an tan tlan ngaihna a awm lo tih sawiin, hemi chungchangah hian thuneitute hnenah an ngaihdante an thlen hnuah pawh ngaihthatna tur chhanna an hmuh lo tih an sawi.
Oil an phurh man tihhniam avanga an harsatnate lantirna atan ni thum chhung, February 23-25, 2022 khian oil an phur thei dawn lo tih an sawi a, hemi hun chhunga harsatnate a thlen thulhah mipuite hriatthiamna leh tawiawmna an ngen tih an tar lang bawk.