Ka tribal certificate titawp turin DC-ah ka thehlut tawh : Kamrul Chhangte


Kamlova Chhangte chuan a tribal certificate tihtawptir tumin a document pawimawhte DC hnenah a theh lut tawh tih a sawi.
KR Construction neitu, Kamlova Chhangte, Kamrul Laskar Uddin-a tia sawi bawk chuan thuchhuah siamin a tribal certificate sut tura hma latuten sum tak tak pek an phut tih sawiin, sum tam tak pea a tribal certificate hum ai chuan sa a phun laia mahni fa leh mahni hnama lawm luttute zah tak chungin amah duhthu ngeiin tihtawptir a tum tak thu a sawi.
Hemi atan hian a voter’s ID, driving licence leh tribal certificate scan copy te DC hnenah an thehlut tawh tih sawiin, “Sorkar lamin hma an la chho tan mek a, an tihfel thuai ka beisei,” a ti.
Kamlova Chhangte chuan a hnam leh a sakhua kalsanin kum 1995-ah khan Mizoram Presbyterian Kohhran-ah baptisma a chang a, kum 2002-ah Val Upa leh khawtlang pawmpuina thlapin Mizo Dan angin Mizo hnamah sa a phun tih a sawi.
Mizo khawtlang tana theihtawp leh a phak tawkin a bei ve thin tih sawiin, “Tun hnua contract hna ka thawh ve hnu hian Mizoah min pawm ta lo a, pawl tam tak leh mi malin min beih rawnin, DC-ah meuh tribal ka nihna titawp tura lehkha pe an awm ta hial,” a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427